| e-texts navigator |
| བོད་ཡིག |
10b1 rgyud las/ gleng bslang ba dang / gsal byed lta ba bstan pa'i le'u ste gnyis pa'o// // de nas yang 'jigs byed kyi rgyal po gshin rje'i gshed kyis phrin las sna tshogs rol pa zhes bya ba'i ting nge 'dzin
10b2 la snyoms par zhugs so// de'i tshe de'i dus na mthu stobs kyi bdag po ya ma lag na rdo rje la sogs te/ gdug pa can gyi 'khor tshogs rnams kyis mos pa'i dbang gis mgrin gcig tu thal mo sbyar nas/ bcom
10b3 ldan 'das gshin rje'i gshed la 'di skad ces gsol to// e ma'o 'jigs byed chen po lags// bdag cag 'khor tshogs ma lus kun// snang srid 'jig rten khams 'di ru// stong gsum mun par gtong dang
10b4 'jig rten mes bsreg dang // 'jig rten lo tog 'joms pa dang // gnam lcags lce yang 'bebs par byed// smyo 'bog yams nad gtong dang srog gcod gang yang byed// mdze rims me bzad gtong ba'i nad
10b5 bdag sna tshogs mang po dag/ dpa' bo chen po'i 'khor du 'dus pa kun// ye shes chen po khyod kyis bsal bar mdzad// ye shes chen po'i sgron mas gsal bar mdzad par byos// bdag cag 'khor
10b6 tshogs thams cad kyis// bstan pa rgya mtsho bsrung bar dam bcas pas// bdag cag 'khor tshogs thams cad kyi// srog tig rtsa ba'i dam pa 'di// 'jigs byed chen po bzhes su gsol// dkyil 'khor chen
iiif viewer powered by OpenSeadragon
Texts on this page
Gpb020.001 - dpal zla gsang nag po'i rgyud