| e-texts navigator |
| བོད་ཡིག |
5b1 dgongs te// ston pa chen pos bka' stsal pa// 'dus pa'i 'khor tshogs rtse gcig nyon// rgyud don lta ba'i rgyal po ni// gzhi rtsa med pa'i sems nyid 'di// chos rnams kun gyi rtsa ba yin// 'khor dang mya ngan
5b2 'das pa'i chos// ye nas ma bcos chos kyi sku// dus gsum bde gshegs thams cad kyi// thugs dgongs lta ba mthar thug pa// snang srid gzhir bzhengs lta ba ru// 'khor 'das gnyis med yongs su
5b3 rdzogs// he ru ka las gzhan ma yin// thig le snying po byang sems brdal// yang dag don gyi gnas lugs te// spros bral thig le gcig tu rdzogs// rang byung rang shar rang grol bas// rang bzhin ma bcos
5b4 spros bral bzhag/ khyung chen nam mkhar lding ba bzhin// snang srid spyi rgya rlabs kyis chod// sems las kun 'byung bde gshegs sems// rang las sangs rgyas gzhan na med// bltas pas dpal chen zhal ma
5b5 mthong // tshig mtshon dper bya kun las 'das// brjod dang brjod bral gnyis su med// blta bya ma 'gags lta byed med// gnyis med don rtogs chos kyi sku// rang rig sems la sems kyis ltos// ngos
5b6 bzung ma grub ngo bos stong // stong pa nyid de rang gsal la// gsal ba'i dus na dngos po med// dngos med de nyid gsal bar shar// de phyir gsal stong gnyis su med// sa le hrig gi 'dzin zhen med// de la
iiif viewer powered by OpenSeadragon
Texts on this page
Gpb019.001 - bcom ldan 'das bde bar gshegs pa thams cad kyi sku gsung thugs gsang ba ye shes kyi snying po thams cad yongs su rdzogs shing 'dus pa/ dpal gsang ba 'dus pa'i rgyud chen po