| e-texts navigator |
| བོད་ཡིག |
327b1 dpal gyi zhal yang bri// dbus su 'jam dpal yab yum sras bcas dgod// 'khor lo bzhi la phung byed sbas pa'i ma bzhi dgod// zla gam gsum la nag mo phung gsum dgod// gru chad bzhi la srin mo gdong
327b2 bzhi dgod// rtsibs chen bzhi la bshan pa ma bzhi dgod par bya// bar khyams bzhi la sa bdag ma bzhi dgod// lcags ri nag por dbang phyug rtsa brgyad dgod// de ltar lha re phur pa snying po re// dbus
327b3 su thod pa nag po'i nang dag tu// dgra bo'i ming rus gzugs dang bcas pa dgod// 'jam dpal yab yum sras kyi gdan du gding // gru gsum rtse mor rabs chad thod pa gsum// gcig tu ra khyi mi dang rta yi
327b4 khrag/ rims khrag la sogs brgya rtsa brgyad du sbyar// btsan dug la sogs brgya rtsa brgyad du sbyar// thod pa gcig tu nyung dkar nyung nag sbyar// ske tshe lan tshwa thal chen mnyam por sbyor// thod pa gcig tu zangs
327b5 phye lcags phye sbyar// rdo phye la sogs mang du sbyar la bzhag/ dug khrag zod pa bal tshon sna lngas bcas// gri mor shi ba'i pags pa'i steng du yang // ra khrag dug khrag sbyar ba gru bzhir thog kyang gdab// gong
327b6 bzhin 'khor lo rtsibs bzhi pho brang bcas// sngar bzhin bkod la rang rang snying po dgod// mtho do sor bzhi rtsang gi rtse la brgyangs// dkyil 'khor dbus su thod pa brubs la bzhag/ gtor ma sha chen bcas
iiif viewer powered by OpenSeadragon
Texts on this page
Gpb019.003 - dpal zla gsang nag po rtsa ba'i rgyud