| e-texts navigator |
| བོད་ཡིག |
364b1 gsung gi sprul pa pad+ma dbang gi rgyal po dang / byang du phrin las kyi sprul pa rdo rje gzhon nu dang / shar lhor yon tan gyi sprul pa bla med he ru ka dang / nub byang du 'jigs pa'i stobs las sprul pa dregs pa kun
364b2 'dul dang / byang shar du brjid pa'i stobs kyi sprul pa stobs ldan nag po dang / lho nub tu rig 'dzin rdo rje'i tshogs bsam gyis mi khyab pa rnams kyang dus gcig tu lhags so// de dag thams cad kyang so so'i
364b3 btsun mo'i 'khor du bcas pas 'khod de// rang gi 'khor rnams dang lhan cig tu gnas so// de ltar khro bo'i dkyil 'khor bsam gyis mi khyab par sprul to// khro bo mngon byung gi le'u ste nyi shu rtsa gcig
364b4 pa'o// // de nas khro bo'i 'khor tshogs rnams kyis/ dpal chen po la phyag dang bskor ba byas te zhus pa/ e ma spyi dpal he ru ka/ khro tshogs kun gyi rje btsan po// shin tu khro zhing gtum pa
364b5 yi// gdug byed log lha'i ru tra rnams// zhi bas phan par mi 'gyur te/ sangs rgyas thugs rje khros pa yis// 'khor ba'i gnas nas ji ltar 'dul// de skad gsol pa gsan nas kyang // spyi dpal chen pos
364b6 bka' stsal pa// nyon cig 'dus pa'i tshogs chen rnams// dregs pas khengs pa'i ru dra rnams// zhi bas thul bar ma gyur pas// sangs rgyas thugs rje khros pa ni// thams cad 'jigs pa'i mchog yin/
iiif viewer powered by OpenSeadragon
Texts on this page
Gpb018.012 - bde gshegs 'dus pa'i rgyud