| e-texts navigator |
| བོད་ཡིག |
223b1 yang grags par mi 'gyur ro// de bas na 'di ni byang chub sems dpa' sems dpa' chen po rig pa 'dzin pa rang bzhin grub pa dang / sa la spyod pa dang / tshe ring bar dbang ba dang / de bzhin gshegs pa dag
223b2 gi thugs nye ba'i sras su gyur pa/ khyed rnams kyis yang dag par zung zhig longs shig chongs shig/ klog cig/ sgrubs shig gzhan dag la yang rgya cher rab tu ston cig/ 'di ni nga'i bstan pa bla na med pa/ gong
223b3 na med pa/ mnyam pa med pa/ mtshungs pa med pa/ dpe med pa/ zla med pa/ mchog tu gyur pa/ rab dang gtso bo dang / phul dang dam par gyur pa ste/ rnyed par dka' zhing ngo mtshar ba 'di/ khyed rnams la rjes su
223b4 gtad kyis/ nga'i bstan pa 'di yal bar ma dor cig 'di nyams par 'gyur ta re/ zhes gsungs nas/ nyid kyi sku dang gsung dang thugs kyi rnam par 'phrul pa'i bkod pa rgya chen po de dag 'od zer gyi tshul du
223b5 spro ba mdzad de/ yang nyid kyi sku gsung thugs rdo rje yab yum gnyis su med pa'i sbyor ba'i klong du rab tu bsdus nas/ rol pa chen po'i 'od zer gyis khyab par mdzad de/ thams cad kyang chos kyi dbyings
223b6 dmigs su med pa mnyam pa nyid g.yo ba med pa la rab tu zhugs par gyur to// dpal dbang chen 'dus pa rtsa ba'i rgyud las/ yongs su bstan pa'i nye bar gtad pa'i le'u ste bcu gsum
iiif viewer powered by OpenSeadragon
Texts on this page
Gpb018.006 - dpal bcom ldan 'das dbang chen 'dus pa rtsa ba'i rgyud