| e-texts navigator |
| བོད་ཡིག |
69b1 skad do// ma dag pa ni mtshams bcad do// las kyi gtsor ni bskang bshags bya// thang lhod med pas brtson 'grus 'byin// rnal 'byor mkha' la 'gro bar 'gyur// nga ni rdo rje 'dzin pa ste// sangs rgyas kun gyi
69b2 mthu dbang bdag/ nga yi bka' las 'da' byed pa// de ma thag tu brlag par 'gyur// lha 'am 'on te bdud kyang rung // gnod par byed pa gang yin pa// rdul phran bzhin du brlags nas kyang // theg chen la
69b3 yang dgod par bya'o// oM badz+ra ban+na tra tha tsam pa hUM phaT/ zhes pas/ tshogs kyi bar chad rdul cha tsam yang med par gyur to// de nas yang gsung gi dbang phyug gis gsol pa/ gsang ba'i theg pa mtha' ma rdzogs
69b4 par byed pa'i mtshams bcad mtshams 'tshal lam mi 'tshal zhes gsol pa dang / rdo rje 'chang chen pos bka' stsal pa/ gang la yang mi rtog ma chags pa ni/ ci la yang mtshams bcad du med na/ de na gnas pa
69b5 ni nyung gis/ de lta bu dang ma mi ldan pa sha stag mang bar gnas te/ rtogs pa chung zhing shes rab zhan pas ci spyod cing brtsam yang / dang por mtshams bcad pa dang / bar bar rdzogs rdzogs kyi skabs su/ smon
69b6 lam gyis sangs rgyas rnams kyi rtsal bgos te/ gdod ci bya ba la nyes pa med cing mthar phyin par gyur te/ de ni dper na bshan thog dang / sku 'tsho ba dang ldan pa'i rgyal po ni/ cis kyang mi 'jigs shing bag tsha
iiif viewer powered by OpenSeadragon
Texts on this page
Gpb017.002 - rdo rje gzi ldan 'bar ba'i rgyud