| e-texts navigator |
| བོད་ཡིག |
43b1 med pa'i rang rig ye shes kyis// dbyings dang ye shes gnyis su med pa las// yul dang dbang po gnyis su med par bshags// yum gyi b+ha ga dgyes pa'i pho brang du// yab kyi rdo rje gnyis med byang chub
43b2 sems// thabs dang shes rab 'du 'bral med pa la// phyi nang snod bcud gnyis su med par bshags// ting 'dzin rnam gsum blo yi bdar bcad nas// phung po rnam shes yul dang dbang po rnams// lha dang lha
43b3 mo'i dkyil 'khor gsal bsgoms nas// 'gro drug sems can rgyal ba'i dkyil 'khor du// gnyis su med par lhun gyis grub par mdzod// ces rgyud rnal 'byor chen po ltar bshags so// de nas lung ltar
43b4 bshags pa 'di gsungs so// rtsa srog tsit+ta lus ngag yid gsum po/ gu h+ya gsang chen sku gsung thugs kyi mdzod// rdo rje klong dgu dpal chen he ru ka/ khams gsum sa dgu gnyis su med par bshags// ji
43b5 ltar snang ba lha yi dkyil 'khor du// snying po brjod pas sku mchog rdzogs pa'i tshul// dbyer med mnyam nyid ngo bo nyid kyi sku// thabs la mkhas pas gnyis su med par bshags// phyi nang snod bcud gnyis med
43b6 chos kyi sku// nga dang bdag gi ngo bo nyid mnyam pas// mtho ris ngan song rgyu 'bras rnam gnyis po// gnyis med bde chen klong du mthar phyin shog/ ces lung rjes su rnal 'byor ltar bshags so// de nas man
iiif viewer powered by OpenSeadragon
Texts on this page
Gpb017.001 - dam tshig thams cad kyi nyams chag skong ba'i lung/ bshags pa thams cad kyi rgyud dri ma med pa'i rgyal po