| e-texts navigator |
| བོད་ཡིག |
210a1 gshis las ma g.yos dang // nyam pa med pa'i ting 'dzin gyis// dam tshig ye shes gnyis mnyam bsre// smin par byed dang grol byed dang // bde stong yang dag skad cig rdzogs// 'khrul pa gzhi
210a2 la yongs rdzogs pas// ye shes bla ma'i sa chen nyid// rtsol med skad cig nyid la gnon// de skad nga yi rang rig la// sprul pa'i 'khor la yang dang yang // sgrib pa med pa'i tshig gis bshad// rgyas pa'i don dang
210a3 bsdus pa'i don// rnam par rab tu 'phros rnams la// 'di kun rang byung gzhi tshig go/ bla ma'i gsang rgyud bka'i bang mdzod las/ gleng gzhi'i le'u ste dang po'o// // 'dir bdag sprul pa'i 'khor rnams
210a4 la// byin rlabs yongs su 'dus pa yi// dbang don yang dag bshad kyis nyon// dbang gis smin par ma byas na// grol bar byed pa'i zab lam chad// cho ga'i rgyal pos dbang bskur te// 'di ltar smin grol sa
210a5 la gnas// de phyir dbang 'di sus bskur ba// mtshan nyid kun ldan bla mas bskur// rang rig rtogs pa'i gding la gnas// zhen pa'i ro la mngon ma chags// gzhan don thugs rje'i rtsal dang ldan// bskyed
210a6 rdzogs brtan pa thob pas bskur// de bzhin gang la bskur ba'i yul// gsang sngags brda yi snod rung ba// blo yangs dad brtson dam tshig gnas// bla mas ji ltar bka' stsal pa// lus ngag yid rtsol ldan pas
iiif viewer powered by OpenSeadragon
Texts on this page
Gpb017.010 - bla ma'i gsang rgyud bka'i bang mdzod