| e-texts navigator |
| བོད་ཡིག |
142a1 rnam dag spros bral zhing // spros dang yang dag de bzhin nyid// chos dbyings rab 'byams ye shes so// bla ma yi dam mkha' 'gro thams cad kyi thugs rgyud nam mkha' klong yangs las/ chos kyi
142a2 dbyings kyi ye shes bstan pa'i le'u ste nyer lnga pa'o// s+thi// / me long lta bu'i ye shes kyang // 'char sgo rnam pa du ma yi// rol pa ma 'gags sa le ba// rab rib mun pa rab sangs nas// snang ngor gsal
142a3 tsam ma yin par// gting gsal ye shes chen po'i don// thams cad rang la rang bzhin snang // gsal la ma 'dres so sor snang // 'phro dang 'du dang rlabs g.yo ba// phyogs dang ris chad ma yin cing // 'khor
142a4 mo yug la gsal ba ste// snang la rang bzhin ma grub gsal// gsal la 'dzin pa med par khyab// bdag dang bdag rkyen yul 'das par// sgo rnams gang yang ma 'gags shing // lhug pa nyid du snang ba
142a5 las// me long lta bu'i ye shes te// bsgrib bya sgrib byed bsgrib pa las// 'das shing rang snang dkyil 'khor rdzogs// yul dang yul can gnyis mnyam par// gsal la ma 'dres shar ba'o// bla ma yi dam mkha'
142a6 'gro thams cad kyi thugs rgyud nam mkha' klong yangs las/ me long lta bu'i ye shes bstan pa'i le'u ste nyer drug pa'o// spyi// / mnyam pa nyid kyi ye shes ni// 'khor ba gting mtha' med pa dang // 'das
iiif viewer powered by OpenSeadragon
Texts on this page
Gpb017.007 - bla ma yi dam mkha' 'gro thams cad kyi thugs rgyud nam mkha'i klong yangs