| e-texts navigator |
| བོད་ཡིག |
314b1 por gtan la 'bebs pa 'di 'gro ba'i ched du gsungs so// dag pa gsum dang dag pa bzhis// snang ba mi spang 'bras bur byed// snod bcud rgyud rnams dag rtogs pas// 'byung ba chen po rnam lnga po// dkyil
314b2 'khor chos kyi dbyings su dag/ phung po lnga ru snang ba'i bcud// sangs rgyas rigs lnga'i dkyil 'khor dag/ shes pa'i rgyud ni rnam shes rnams// rang byung sras kyi dkyil 'khor dag/ snang ba lha yi dkyil 'khor
314b3 rtogs// rgyu 'bras kun rdzob don dam dag/ 'khor rgyu nyon mongs rnam pa lnga// ye shes chen po lnga ru dag/ 'bras bu smin pa'i phung po lnga// dam rdzas rgyal ba rigs lngar dag/ kun rdzob snang ba'i dngos po
314b4 rnams// ye shes sgyu ma'i dkyil 'khor dag/ chu zla'i snang ba ji bzhin no// don dam snang ba gzugs kyi sku// thig le chen po chos skur dag/ mnyam pa bzhi yi gtan tshigs ni// mnyam pas mnyam byed bdag
314b5 nyid che// rgyu las skyes nas mthun par snang // brtags na dben pa kun rdzob yin// don dam spros pa mtha' dag bral// rnam rtog blo yi spyod yul min// snang ba thams cad rkyen bzhis bsdus// sgyu ma tsam du
314b6 snang bar mnyam// snang zhing brtags pa'i chos 'di rnams// ma skyes par ni kun mnyam mo// lhag pa kun rdzob don dam ni// chos kyi dbyings kyi rgyu las skyes// thugs rje chags pa'i rkyen gyis bskyed// don byed
iiif viewer powered by OpenSeadragon
Texts on this page
Gpb016.004 - glang po rab 'bog gi rgyud