| e-texts navigator |
| བོད་ཡིག |
304b1 'bar// bum pa bzang po bde ba gang // ma rtogs rtogs pas mun pa sangs// thig le chen po sgra brjod 'das// dpa' bo 'bru lnga kun gyi gzhi// zhi khro lha brgya 'khor 'das rdzogs// zhes gsungs so// glang po
304b2 rab 'bog gi rgyud las/ gnas lugs dang snang lugs kyis 'khor ba dang mya ngan las 'das pa gtan la dbab pa ste/ le'u bcu gcig pa'o// // de nas bcom ldan 'das sangs rgyas thams cad kyi
304b3 rje btsan dam pas/ 'gro ba'i 'bangs rnams rjes su bskyang ba'i phyir 'di gsungs so// lhun grub ka dag sems nyid gnas lugs gzhi// 'khor 'das ma lus 'byung ba sa bon tshul// kun la khyab par ye nas
304b4 rang gnas pa// de nyid ma rtogs mngon du ma gyur pa// byang chub sems dpa'i shes bya'i sgrib pas bsgribs// 'gro rnams nyon mongs las kyi sgrib pas bsgribs// lam zhugs theg pa rang rang blta bas
304b5 bsgribs// ma mthong mthong 'dod rang gi sems la ltos// rab 'byams bka' yi dgongs pa bsam yas pa// rtsa ba rig pa byang chub sems la 'dus// nyan thos sdug bsngal kun 'byung 'khor bar
304b6 snang // 'gog pa lam ni mya ngan 'das par sgrub// rang rgyal rten 'brel lugs 'byung 'khor bar snang // lugs las bzlog pa mya ngan 'das par sbyor// byang chub sems dpa' kun rdzob 'khor ba'i chos// don
iiif viewer powered by OpenSeadragon
Texts on this page
Gpb016.004 - glang po rab 'bog gi rgyud