| e-texts navigator |
| བོད་ཡིག |
302a1 bzhir spyod// rgyas bshad mtha' drug drang don nges// dgongs dang dgongs min ji bzhin bshad// ji bzhin ma yin bshad pa yis// tshig tshogs rgya mtsho 'grol bar byed// drang ba'i don du bshad
302a2 pa nyid// nyan rang mu stegs nang dang phyi// 'jig rten lha klu mkha' 'gro ma// rang rang lta spyod bshad na drang // gsang sngags nges pa'i don la gzung // yang dag don ston nges pa'i don// sems nyid ye nas
302a3 sangs rgyas pas// 'khor ba ka dag dri ma med// nyi ma'i dkyil 'khor bzhin du gnas// dgongs pas bshad pa blo rab la// de bzhin gshegs pa'i tshogs bsad na// bdag gzhan dngos grub thob par
302a4 'gyur// zhe sdang shan pa rdo rje'i rigs// gti mug glen pa de bzhin rigs// 'dod chags yi dwags pad+ma'i rigs// dug gsum zhing bcu'i phung po bsad// sems nyid sangs rgyas sras su bsgral// rgyu 'bras
302a5 bsod nams ye shes tshogs// bdag gzhan gnyis kas thob par 'gyur// dgongs min dbang por dman pa la// lha dman sngags kyi lha zab 'bri// sems ni sangs rgyas 'grub pa'i rgyu// tshogs gnyis 'bad
302a6 pas 'bras bu 'grub// sgra ni ji bzhin bshad pa gang // dkyil 'khor bris dang dam tshig bsrung // lha kun sgom dang gsang sngags bzlas// slob ma dbang bskur dngos grub blang // sgra ni ji bzhin ma yin
iiif viewer powered by OpenSeadragon
Texts on this page
Gpb016.004 - glang po rab 'bog gi rgyud