| e-texts navigator |
| བོད་ཡིག |
290a1 pa thams cad kyis 'di skad ces gsol to// snod du snang ba dkyil 'khor yum gyi dbyings// bcud du snang ba rgyal ba lha yi sku// snang srid ma bkod ye nas rdzogs sangs rgyas// rmongs pa'i mun pa
290a2 gsal phyir bshad du gsol// zhes zhus so// de nas sangs rgyas rdo rje 'chang chen po 'khor 'das dbyer med pa'i ting nge 'dzin la bzhugs nas/ 'gro ba'i ched du ched du brjod pa 'di gsungs so// kun nas
290a3 nyon mongs 'khor ba'i chos rnams kun// rnam byang mya ngan 'das par dbyer med pas// gnyis med ro gcig phyag rgya chen por gnas// ji ltar glang chen rtsal gyis rab gcod pa// chu klung za klong che la bde ba
290a4 ltar// 'khor ba'i chos las gzhan la mi 'chol ba'i// sangs rgyas thugs kyi dkyil 'khor zhal phyes pa'i// glang po rab 'bog rgyud chen gus pas nyon// sdug bsngal 'khor ba'i rgya mtshos bde chen klong // ye
290a5 shes chu bo dpag med rgyun mi 'chad// ma rig mun par sgron mar rang 'od 'bar// shes bya mtha' dbus med par yongs rgyas pa// nyi ma'i dkyil 'khor 'od zer 'bar 'dra bas// mun pa'i tshogs bcom
290a6 zangs la gser 'gyur rtsi// dug 'gyur rtsi mchog bdud rtsi sman mchog 'gyur// 'khor ba nyid ni sangs rgyas dkyil 'khor yin// rab tu gus pas rgyud 'di dang du longs// thugs rjes 'gro ba rnams la khyab
iiif viewer powered by OpenSeadragon
Texts on this page
Gpb016.004 - glang po rab 'bog gi rgyud