| e-texts navigator |
| བོད་ཡིག |
255b1 haM// mi shigs sa yi snying po ste// rtag par kha dog gzhom med bltas// mtshan ma med pa'i sku zhes bya// 'byung 'jug byed pa'i sgo drug can// sa bon kha ba lta bur gnas// rdo rje gsang 'jug pho brang ni// mtshon
255b2 byed 'od gsal bde gsal bde chen 'byung // rin po che yis brgyan pa ste// mtshon byed sgo ni gcig pa'o// rdo rje snyoms 'jug pho brang ni// rin po che yi pho brang la// 'byung ba lnga yi rgyan dang ldan// drug cu bzhi
255b3 yi dbus na bzhugs// brjod med brjod bral de nyid don// ma bcos lhun gyis grub par gnas// gzhal yas bye brag de ltar gnas// gsang ba'i gzhal yas dam pa la// kun gyi mtshan nyid rdzogs zhes
255b4 bya'o// de la brtag cing 'phror mi 'jug/ de yang 'di ltar brtag bya ba// chos dbus ye shes sems dpa' ste// de dbus ting 'dzin sems dpa'o// ting 'dzin hUM gi rang bzhin las// 'od zer phyogs bcur
255b5 'phros gyur pas// phyi nang gzhal yas gsal byas te// srid pa gsum yang gsal byas nas// dus gsum sangs rgyas byang chub sems// mi 'gyur ba yi 'od ces bya'o// phyogs bcu'i rgyal ba'i sems bsdus
255b6 nas// slar yang rim gyis hUM la thim// hUM yang rim gyis thig le'i ngang // yongs su dag pa'i 'od ces bya'o// nges par snying po 'bru bkod de// tsa na ka yi 'bru tsam la// bde bar gshegs pa'i sku yang bskyed//
iiif viewer powered by OpenSeadragon
Texts on this page
Gpb016.003 - phur pa bcu gnyis kyi rgyud ces bya ba theg pa chen po'i mdo