| e-texts navigator |
| བོད་ཡིག |
143a1 nyid// hUM oM swA yis rnam mdzes pa'o// nyon mongs lnga rnams sbyong ba dang // sdug bsngal lnga rnams tshar bcad phyir// lag g.yas gzhan gyis mi thub pa// g.yon pa ro langs chen mo ste// de yi kha
143a2 la khro gnyer can// ral pa gcig ma pad+ma la'o// g.yas su sngags dang khro mo bzhi// sngags dang phyag rgya brtan par sbyor// oM AM hUM swA hA/ yang dag don gyi bdud rtsi 'dis// thams cad gnas kun sbyor mdzad
143a3 cing // rigs kyi dkyil 'khor mngon par sbyor// don kun gsang ba ston byed pa'i// thabs dang shes rab dkyil 'khor tshogs// rang bzhin lha mo rgyan bcas pa// mdzad pa bcu gnyis 'phro 'du dang // phrin
143a4 las rnam bzhi kun gsal byed// mar me'i phreng ba ji bzhin du// chos rnams thams cad bdud rtsi'i dbyings// nges par bstan pa'i don chen 'di// rigs kyi rgyal bas kun nas sbyor// phyag rgya chen po bzhi yi
143a5 bdag/ gnyis med mnyam par sbyor byas te// lha yi bdud dang phung po'i bdud// nyon mongs bdud dang 'chi bdag bcom// thabs dang shes rab sna tshogs rgyud// don rtags gnyis med ye shes nyid// bdud
143a6 rtsi gsang ba'i gnas 'jug pas// phyag rgya chen po bzhi dang ldan// mkha' las sems 'phreng spro zhing bsdu// byang chub 'khor ba mya ngan 'das// bdud rtsi chen po'i mkha' dbyings su// sangs rgyas sems can
iiif viewer powered by OpenSeadragon
Texts on this page
Gpb016.002 - rgyud kyi rgyal po chen po dpal bdud rtsi rol pa