| e-texts navigator |
| བོད་ཡིག |
106a1 bstod pa/ kun gzhi rnal 'byor rdzogs pa'i dkyil 'khor na// zab cing gting dpag dka' ba rgyal ba'i sku bzhugs so// sprul pa mang pos 'gro don rdzogs par mdzad// dpal chen kun bzang
106a2 khyod la phyag 'tshal lo// ye shes khro bo chos nyid dbyings na bzhugs// sprul pa'i khro bos las rnams rdzogs par mdzad// phra men yang sbrul ye shes dbyings su 'khyil// khro bo khro mo'i tshogs la phyag 'tshal
106a3 lo// sku gsung dngos grub ya mtshan cho 'phrul can// sku gsung thugs las sprul pa mang po 'phro// mkha' 'gro za byed phra men pho nya ma// mgyogs pa'i tshogs la phyag 'tshal lo/ las rnams drag shul mdzad pa'i
106a4 khro rgyal sku// de bzhin gshegs pa'i man ngag gsang chen rnams// klung nas grol bar mdzad pa ye shes yum// sgo ba sgo ma'i tshogs la phyag 'tshal lo// de nas bcom ldan 'das kyis 'khor rnams rjes su yi
106a5 rangs te/ legs so legs so zhes bya ba byin te/ bka' dam pa gsang ba zab mo'i tan+t+ra 'di sdud pa po rdo rje chos la gtad do// de nas sdud pa po rdo rje chos kyis bcom ldan 'das dpal kun tu bzang po he ru ka
106a6 'khor dang bcas pa rnams la sku gsung thugs kyi bshags pa phul lo// 'dod chags zhe sdang gti mug dbang du gyur pas na// lus ngag sems kyis sdig bgyis mthol zhing bshags// theg pa dman
iiif viewer powered by OpenSeadragon
Texts on this page
Gpb016.001 - dpal he ru ka snying rje rol pa'i rgyud gsang ba zab mo'i mchog