| e-texts navigator |
| བོད་ཡིག |
86b1 gos dag bgos nas ni// kha dri zhim pa'i me tog phreng // sna tshogs skal pa bzang po can// slob ma dal gyis dal gyis su// gos dag bkab pa'i sbyor ba yis// bdag gi 'byung ba bskul bar bya// rdzogs pa'i
86b2 sangs rgyas nyi zla rnams// shar ba dag ni mthong ba yis// sdig pa kun las grol 'gyur zhing // bsod nams thams cad 'grub par 'gyur// rnal 'byor bde chen dbang 'dod pa// chos kyi dbyings kyi dkyil
86b3 'khor du// rim dang cig char 'jug pa yis// de nyid yang dag bsgom pa ni// rig pa rang bzhin 'od gsal ba// dngos med rtog pa'i bag chags dag/ sgyu ma me long gzugs brnyan 'dra// sgyu mas sgyu ma stong
86b4 pas na// sgyu ma'i rang bzhin mi dmigs phyir// chos kyi sku 'dir shes par gyis// ji ltar nam mkha' drangs pa la// rang bzhin med ltar rang sems zhog/ 'od gsal chos sku rtog med la// bslad pas dri mas
86b5 gos 'gyur phyir// ma bslad bu gcig rang sar zhog/ brjid pa chen po'i khri steng na// skal ldan chen po bzhag nas ni// gdugs dang rgyal mtshan ba dan dang // rol mo rnams kyis rnam brgyan nas// bdud rtsi
86b6 rnam rgyal bum pa'i chu// rigs kyi cod pan mdzes par bcing // khams gsum kun gyis phyag byas pa// gsang ba gsum gyi gnas las byung // dbang bskur ba yi rdo rje che// mi ldog pa yi dbang bskur ro// sku
iiif viewer powered by OpenSeadragon
Texts on this page
Gpb014.004 - sangs rgyas thams cad mnyam par sbyor ba zhes bya ba rgyud kyi rgyal po