| e-texts navigator |
| བོད་ཡིག |
59b1 'phyos pa bzhin// sdug bsngal rgya mtshor ltung bar 'gyur// theg pa mchog la mi chags shing // 'dod lnga chags pa spangs pa dang // bu mo mtshan ldan spangs pa ni// thabs bral 'khor ba'i rtsa ba yin// thabs
59b2 dang bral ba rang bzhin gnas// tshangs pa bde ba'i skar khung nas// thig le 'bar nas rgyu ba ni// thabs kyi bsam pa'i lam gang bcad// 'bar ba brgyad po thim par bya// shar ba rdo rje hUM gi bdag/ rtsa ba lo
59b3 mas gang bsdus pa// yid ni smin mtshams gyen la gtad// gsang ba'i gter la longs spyod bya// gsang ba'i yid ni 'pho 'gyur na// bya ba la sogs rang dor nas// rnam shes sa la thim 'gyur te// sa yang chu
59b4 la thim par 'gyur// chu ni me la thim gyur pas// de nyid rlung la thim par 'gyur// rlung ni snying po'i thig ler te// de las me long gzugs bzhin du// ma skyes stong pa'i grong du 'pho// skye ba med cing 'gag pa
59b5 med// rgyu ba med cing zag pa med// sha khrag gshang gci khu ba med// nam mkha' lta bur gnas pa nyid// gsang ba'i dkyil 'khor gnas chen la// rgyal ba kun gyi gzhal yas khang // til 'bru lta bu'i pho brang
59b6 ste// rtsa gsum 'dus pa'i rtse mo ste// bam dbyibs gnyis med phrad pa las// nyi zla phrad pa'i thig le las// rim par skye ba'i ye shes ro// gnas nas gnas su 'pho ba yin// bcu drug skye bar the tshom
iiif viewer powered by OpenSeadragon
Texts on this page
Gpb014.001 - sgyu 'phrul thal ba'i rgyud chen po