| e-texts navigator |
| བོད་ཡིག |
58b1 nas// gnyen po'i thabs kyis gang sbyangs pa// rang rig rang la bcings pa yin// dka' thub sdom pas gzir ba yis// las dang bya ba la brten pas// gnyis ka rnal 'byor la brten pas// 'bras bu thob/
58b2 par 'dod pa yin// gsang ba thabs kyi rnal 'byor pas// gang la brten nas rtogs goms pas// dka' thub rtsol ba kun spangs nas// tshe gcig 'bras bu rang las 'byung // slob dpon thabs la mkhas pa
58b3 dang // cho ga'i rim pa dang ldan pas// gang ltar brtsam pa de bzhin du// nges par 'byung bar the tshom med// log pa'i dbang du zhugs pa dang // gang du sbyangs min rang bzhin ngan// le lo g.yengs pas bslus
58b4 pa dang // 'khor ba na ni yun ring gnas// byang chub sems ni ma skyes shing // dad dang dam tshig ring spangs shing // bla ma dag la rgyab kyis phyogs// dbang dang man ngag mi ldan par// gsang sngags rang bzos
58b5 'jal bar byed// log pa'i spyod pa'i dbang song ba// 'di lta bu yi sdig can ni// rdo rje dmyal bar skye bar 'gyur// bla ma mnyes par ma byas shing // zhe sdang la sogs nyon mongs ldan// bag chags ngan pas
58b6 rang bzhin bcings// log rtog zhen po'i mthur ldan pas// gang ltar bgrod pas log pa'i lam// log pa la ni gzhol bar 'gyur// gsang ba'i don mchog 'di dag ni// dam pa rnams kyi yul yin
iiif viewer powered by OpenSeadragon
Texts on this page
Gpb014.001 - sgyu 'phrul thal ba'i rgyud chen po