| e-texts navigator |
| བོད་ཡིག |
295a1 sems dpa' ni// sngags kyi spyod pa mchog spyod pas// chos mchog mi 'gyur mchog brnyes rnams// 'dod pa thams cad bsten pas so// chags can ye shes 'dod pa yis// 'dod yon lnga rnams
295a2 rtag tu brten// byang chub sems dpa' mnyes par bya// byang chub nyi ma chags par bya// gzugs la rnam gsum shes byas nas// mchod pa'i bdag nyid can mchod bya// de nyid bcom ldan sna tshogs pa// sangs
295a3 rgyas rnam par snang mdzad gzhi// sgra la rnam gsum shes byas nas// lha rnams la ni dbul bar bya// de nyid bcom ldan sna tshogs pa// sangs rgyas rin chen 'byung gnas gtso// dri la rnam gsum shes byas
295a4 nas// sangs rgyas sogs la dbul bar bya// de nyid bcom ldan sna tshogs pa// 'dod chags chos kyi 'byung gnas gtso// ro la rnam gsum shes byas nas// lha rnams la ni dbul bar bya// de nyid sangs rgyas
295a5 sna tshogs pa// sangs rgyas don yod rdo rje 'dzin// reg bya rnam gsum shes byas nas// rang gi rigs la dbul bar bya// de nyid bcom ldan rdo rje can// mi bskyod pa yi tshul brnyes pa'o// gzugs sgra dri la
295a6 sogs pa la// rtag tu sems ni sbyar bar bya// 'di de sangs rgyas thams cad kyi// gsang ba'i snying po btus pa'o// gzugs sgra dri sogs sngags pa yis// lha rnams nyid du rtag tu bsgom// yang na de la rigs
iiif viewer powered by OpenSeadragon
Texts on this page
Gpb014.008 - de bzhin gshegs pa thams cad kyi sku gsung thugs kyi gsang chen gsang ba 'dus pa zhes bya ba brtag pa'i rgyal po chen po