| e-texts navigator |
| བོད་ཡིག |
234a1 dbang po yi// dpal chen mchog ni 'phrog par byed// lag pa bsgreng ba'i tshul gyis ni// khams gsum rim par rgal bar byed// mig ni btsums par byed 'gyur ba// 'gro ba gsum po rnam par
234a2 'jig/ ru sbal bzhin du mnyam bzhag ste// mi g.yeng skad cig bcing byas na// gdug pa'i srog chags thams cad dang // dgra dang spyod bcas mi spyod phrog/ sbal ba bzhin du mnyam gzhag ste// dkyil 'khor
234a3 tshul gyis bskor bar bya'o// ma lus rnams kyang rmongs byed de// khams gsum rnams kyang rgal bar byed// rtogs 'dod kyis ni mnyam gzhag ste// sa gsum rnams kyi rgyas gdab bya// gar dbang gis ni
234a4 mnyam bzhag ste// sa gsum rnams ni gar byed gzhug/ dril bu yis ni mnyam gzhag ste// sa gsum rnams ni gdab par bya// gzhon nu'i skyil mo bcings pa yis// sangs rgyas bde chen 'thob
234a5 par byed// skyil mo phyed ni mnyam gzhag nas// gnyis pa mnyes pa yang yis ni mnan byas na// khams gsum thams cad gnon 'gyur zhing // 'dod byed thams cad dngos grub bo// dga' byed ma yi mnyam
234a6 gzhag pas// skyil mo rab tu dga' thob ste// dga' byed ma yi yid 'ong ma// khams gsum thams cad dngos grub bo// rig 'dzin rnam par gzhag byas te// khams gsum skad cig gnan par bya// khams
iiif viewer powered by OpenSeadragon
Texts on this page
Gpb014.007 - zla gsang thig le