| e-texts navigator |
| བོད་ཡིག |
225a1 bde ba'i sems 'phel bar byed ma zhes bya ba'i phyag rgya'o// // de bzhin gshegs pa thams cad kyi sku dang gsung dang thugs kyi bdag po dpal kun tu bzang po shin tu dgyes pa chen po bde
225a2 ba'i bdag nyid rnam par snang mdzad chen po bshad pa mthas klas pa de bzhin gshegs pa thams cad kyi mchog tu gsang ba zla gsang thig le mchog tu pha rol tu phyin pa/ gsang ba chen po dam tshig gi phyag rgya'i
225a3 ye shes kyi dkyil 'khor shin tu dgyes pa rdo rje gdon mi za ba'i dkyil 'khor chen po bskal pa'i mtha' klas pa zhes bya ba gsum pa rdzogs so// // de nas bcom ldan 'das kun tu bzang po chen po gsang
225a4 ba'i pha rol tu phyin pa'i dam tshig gi ye shes kyi phyag rgya'i dkyil 'khor 'di bshad nas slar yang bde bar cang mi gsung bar gnas par gyur to// de nas de bzhin gshegs pa de dag thams cad dang / pha rol
225a5 tu phyin ma rnal 'byor ma chen mo'i tshogs thams cad dang / nam mkha' la 'gro ba dang / nam mkha' la 'gro ma'i tshogs thams cad ngo mtshar du gyur nas phyi nang gi rdo rje'i rigs su gtogs pa 'phrog par byed
225a6 pa'i tshogs thams cad la slar dbugs phyung ste/ de las bzhengs nas gar mdzad cing rab tu dgyes pa'i spyan rgyas pas bcom ldan 'das la yang dang yang du lta zhing dbyangs kyi mchog bde ba 'di glu blangs te
iiif viewer powered by OpenSeadragon
Texts on this page
Gpb014.007 - zla gsang thig le