rKTs

e-texts navigator

Page

199b₁ gar rnam par 'gyur ba'i brjid bag tu bcas pas mtha' 'grol zhing ma mchu tshems kyis mnan nas chu skyes sar ba'i 'dab ma bzhin gzigs pas bzhad pa/ glu'i phyag rgyas dbyangs len pa dang / gcig la
199b₂ gcig bskul ba dang / bdag nyid kyi dpung pa la 'degs shing g.yas dang g.yon pa'i rnam par gnon pa'i tshul gyis/ au hUMhAM a la la la ho/ sngags sor bzhag/ ag ku'u ra a ma hA su hu/ ag gu'u/ a la la
199b₃ ho// ma hA su hu a ga'u ra a ma hA su hu tud du// kun tu snang zhing mi chags par// mi chags pa yi bde mchog gis// bde ba'i rnal 'byor gzugs kyi rnam// stobs shing bde ba sbyin mdzad pas// a la la
199b₄ ho// bsam gyis mi khyab nam mkha'i rang bzhin te// bzhengs shing gzhan la stobs la grub par mdzod// chags pas mi gos dngos po yi// bde ba kun la reg par mdzad cing dgongs su gsol// de nas kun
199b₅ tu bzang po shin tu dgyes pa chen po rdo rje'i bdag po de kho na nyid kyis dbyangs chen po'i bskul bas thugs sad par gyur te// shin tu dgyes pa chen po kun tu longs spyod pa rdo rje dpal zhes bya ba'i ting nge
199b₆ 'dzin la snyoms par zhugs te/ shin tu dgyes pa chen po'i rdo rje gdon mi za ba'i rnal 'byor ma'i tshogs kyi dkyil 'khor chen po 'dir sna tshogs shin tu dgyes pa chen po'i rnam par gnon par gar mdzad/

_{iiif viewer powered by OpenSeadragon}

199a - 200a

Texts on this page