| e-texts navigator |
| བོད་ཡིག |
402a1 tshim par 'gyur// yi dgas gnas su longs spyod ldan// dkyil 'khor ma lus mchod pa yin// bde ba chen po rdzogs pa'o// rnal 'byor las su rung rnams kyis// rnam pa mang pos brgyan pa
402a2 dang // sbyor mchod dag gis longs spyod na// dkyil 'khor bsam yas lhun grub 'gyur// bde chen dkyil 'khor 'bar 'gyur nas// sdig pa'i mun nag sel bar byed// dpung gi tshogs kyis mi thub pa'i// mthu
402a3 chen dag kyang 'grub par byed// tshogs kyi phrin las zhes bya ba'i dam tshig ni/ byed pa med pa'i tshul gyis ni// kun la thogs pa med par spyad// thams cad ma lus 'dul bar byed// mi mthun phyogs nas dbang du
402a4 byed// yon tan chen po 'phel bar byed// khro bo gtum pa'ang zhi bar byed// thams cad kun la spyad bde ba// chags pa med pa'i tshul gyi gnas// dbyings su bsdus pa'i dkyil yin te// 'phro 'du mang po'i 'khor
402a5 gyis bskor// mnyam pa chen po'i ngang nyid ni// de lta bu yi tshul du gnas// 'khor gyi phra men tshim par byed ces bya ba'i dam tshig ni/ bdag nyid 'dul ba'i dbang phyug tu// rtag tu mnyam bzhag khro bo'i
402a6 tshul// 'khor gyi khro rnams de bzhin te// mdog dang phyag rgya thams cad dang // sngags mchog dam pa ma lus 'don// de nas phra men 'khor bsdus nas// so so'i las dang mthun byas te// so so'i gnas su gzhag
iiif viewer powered by OpenSeadragon
Texts on this page
Gpb013.006 - gsang ba'i snying po de kho na nyid nges pa