| e-texts navigator |
| བོད་ཡིག |
400a1 yul lnga dag la dbang byed cing // phyin ci log ni dngos por 'dzin// dngos por bzung bas khams gsum 'khor// gzugs rnams ma lus thams cad la// snang zhing dngos po med pa dang // lha dang
400a2 lha mor dngos por brtags// bdag dang lha nyid gnyis pa'o// sgra rnams sna tshogs grags pa yang // sgra nyid dngos po med par shes// sgra brjod ma lus thams cad ni// chos kyi sgra chen sna tshogs yin// dri yi dngos
400a3 por snang ba yang // dri nyid rang bzhin gang yang med// dri snom chos kyi dri yin te// shes rab chen pos de ltar rtogs// ro yi dngos por snang ba yang // ro yi rang bzhin yod ma yin// ro bro de bzhin nyid kyi
400a4 ro// bde ba de yis tshim par byed// reg bya sna tshogs snang ba yang // reg bya'i dngos po yod med de// reg byar snang ba longs spyod yin// bde ba chen po chos kyi sku// mi shes phyin ci log rnams kyis// dbang po'i
400a5 la la chags 'gyur na// rtag tu 'dod dang mi 'bral zhing // ngan song gsum dang mi khom brgyad// rtsa ba sog ma'i me bzhin du// khams gsum dag tu 'khor bar 'gyur// de bas ye shes chags med
400a6 rtogs// byas la mi sogs bsod nams byos// kun la spyod cing mi gos pas// ye shes chen po rtag tu bsgoms// mnyam pa lnga zhes bya ba'i dam tshig ni/ don dam par skye ba med par mnyam pa dang / kun rdzob sku
iiif viewer powered by OpenSeadragon
Texts on this page
Gpb013.006 - gsang ba'i snying po de kho na nyid nges pa