| e-texts navigator |
| བོད་ཡིག |
383a1 bzhin med la cir yang snang // snang ba nyid na dbyings nyid de// de ltar rtogs pa'i ye shes ni// kun la dbang sgyur rang dbang can// thams cad tshig gi sgra ltar snang // 'di ni ye shes gsung
383a2 mchog yin// bsam yas ye shes rdo rje gsung zhes bya ba'i dam tshig ni/ chos rnams bsam gyis mi khyab ste// mtha' dang dbus med kun du khyab// khyab dang khyab med rdo rje'i gsung // sgra skad sna tshogs bsgrags
383a3 pa dang // dngos po med la dngos po'i sgra// ji ltar pi bang lag thogs na// sgra ni sna tshogs 'byung 'gyur yang // dngos po med pa de bzhin nyid// phyogs dus dbyer med ces bya ba'i dam tshig ni/ phyogs bcu ma
383a4 lus thams cad dang // dus bzhir 'byung ba ma lus kun// phyogs dang snga phyi med pa yi// thams cad de bzhin nyid kyi dbyings// 'jig rten 'das dang 'jig rten pa'i// so sor snang ba thams cad kun// rang
383a5 rig rgyal por yang dag 'du// rang rig de nyid thams cad yin// 'jigs med rdo rje zhes bya ba'i dam tshig ni/ 'dus ma byas nyid 'dus byas yin// 'dus byas snang dang mi snang gnyi ga min// yod dang med
383a6 pa'ang dbyer med de// rang bzhin ye nas dag pa yi// ma bcos ma byas ngang gis gsal// 'jig dang gzhig par bya ba min// cis kyang mi tshugs rdo rje'i bdag/ ces gsungs so// de bzhin sku nyid ces bya/
iiif viewer powered by OpenSeadragon
Texts on this page
Gpb013.006 - gsang ba'i snying po de kho na nyid nges pa