| e-texts navigator |
| བོད་ཡིག |
380a1 sngags chen po grub 'dod pas// gzung 'dzin bral ba'i ye shes thob// chos kyi dbyings dang sems can ni// gnyis med de bzhin nyid du gcig/ de ltar rtogs pa'i skyes bu ni// rdo rje bzhugs
380a2 gnas yin par bshad// mi 'jigs pa'i rgyal mchog ces bya ba'i dam tshig ni/ rnam par byang dang nyon mongs gnyis// so so yod pa ma yin te// nyon mongs gnyen pos bcos su med// thams cad dbyings su
380a3 ro gcig pas// de la 'jigs pa'i gnyen po med// cis kyang mi tshugs gong na med// mchog tu bde ba'i zhing yang yin// nga med bdag med rgyal ba'i mchog/ gzhal yas khang brtan zhes bya ba'i dam tshig
380a4 ni// phyogs bcu dus bzhi thams cad kun// rgyal ba'i zhing du sbyor ba ni// dog yangs tshad kyang dpag tu med// sangs rgyas spyi gtsug lta bu'i mtshan// ye shes rgyu las grub pa'o// ji ltar dmigs pa bzhin du
380a5 'grub// zag pa zad las grub pa yi// nams kyang 'jigs med chos kyi dbyings// sna tshogs kun sbyor zhes bya ba'i dam tshig ni/ gdol pa can gyi chos min pas// ci ltar bsams pa bzhin du 'grub// rig
380a6 pa rang dbang gyur pas na// stong par bya'am mi stong bya// thams cad dbyer med ngang yin pas// kha dog dbyibs dang rin po che// thams cad khyab par yungs 'bru'i tshul// bsam yas mtha' dbus med
iiif viewer powered by OpenSeadragon
Texts on this page
Gpb013.006 - gsang ba'i snying po de kho na nyid nges pa