| e-texts navigator |
| བོད་ཡིག |
379b1 bar ma nges pa'i// ye shes rtogs pa'i khyad par gyis// dus bzhi snga phyi med pa yi// mnyam pa nyid du lhan ner sbyor// lhun grub ces bya ba'i dam tshig ni// 'jig rten 'das dang 'jig rten pa'i// thams cad
379b2 dbyer med byang chub ste// ye nas rnam par dag pa'i chos// ma bcos lhun gyis grub pa yi// byang chub lam chen 'di yin te// thams cad dbyer med nyid du 'dus// byang chub don sgrub ye nas rdzogs// mnyam
379b3 pa'i zhing du thams cad thim// rdo rje skye gnas zhes bya ba'i dam tshig ni/ theg pa che mchog rigs su nges// rigs te byang chub bstan pas gzung // thams cad mnyam pa'i dbyings shes na// rigs mchog kun
379b4 gyi skye gnas yin// skyes pa nyid na skyes pa med// las dang las kyi bag chags med// cis kyang ma gos thams cad 'joms// skye shi med pa'i sa yang yin// byang chub kyi zhing bkod pa'i dam tshig ces bya ba
379b5 ni// phyogs bcu mtha' yas mu med pa'i// snang grags bsam gyis mi khyab pa'i// phyi dang nang gi gnas pa dag/ de bzhin nyid kyi dbyings su thim// mdor na zhing khams ma lus par// yon tan rin chen bkod
379b6 pa yi// ye shes rgyan gyis spros pa rnams// zhing de yon tan bsam mi khyab// ye shes bzhugs gnas zhes bya ba'i dam tshig ni/ gzung 'dzin bral ba'i ye shes ni// de bzhin gshegs pa kun gyi gnas// gsang
iiif viewer powered by OpenSeadragon
Texts on this page
Gpb013.006 - gsang ba'i snying po de kho na nyid nges pa