| e-texts navigator |
| བོད་ཡིག |
289b1 par// ting nge 'dzin gyis dbang bsgyur nas// kha dog dbyibs dang gzugs su bsgyur// sna tshogs phrin las rnam par rol// don gyi snying po mchog rnams kyang // byang chub phyogs rnams rab tu rdzogs// 'jig
289b2 rten gtso mchog rnams kyis bskor// a hoHchos sku phyag rgya de dag las// las lnga'i dkyil 'khor rab tu bsgrub// ting nge 'dzin gyis dbang bsgyur na// ji ltar dmigs pa bzhin du 'grub// drag po gtum po
289b3 gdul ba'i phyir// bdag nyid drag po bsgoms nas ni// chos sku nag po 'od 'bar gyis// bgegs kyi ling+ga mnan par bya// gtum po rngam po'ang brlag par 'gyur// mi mthun phyogs kyang rdul du rlog/ 'di
289b4 dang 'gro ba thams cad du// shin tu stobs drag che ldan 'gyur// thams cad gnyis med dbyings bsdu'i phyir// bdag nyid ha ya gri bar bsgom// dmar po'i chos sku gsal bsgoms te// mi mthun phyogs rnams
289b5 gdan du gdeng // ting 'dzin gsal bas byin brlabs na// thams cad ma lus dbang du bsdu// mthu chen dag kyang phyi bzhin 'brang // ci 'dod las rnams byed par 'gyur// thams cad yon tan 'phel bya'i
289b6 phyir// bdag nyid rgyal ba'i khyu mchog ste// gser gyi mdo 'dra phyag rgyar bsgom// gang 'phel chos sku gdan du gzhag/ de ltar dag pas byin brlabs na// yon tan nam mkha'i mtha' dang mnyam// tshe dang
iiif viewer powered by OpenSeadragon
Texts on this page
Gpb013.006 - gsang ba'i snying po de kho na nyid nges pa