| e-texts navigator |
| བོད་ཡིག |
288a1 lan gsum gsor// gtum pa'i sngags brjod de bskyed pas// bsnyen pa'i dkyil 'khor rab tu rdzogs// nye bar gyur pa'i dam tshig mchog/ dpag bsam shing dang yid bzhin gyi// rin chen
288a2 dbyig dang 'byung ba kun// de dag rdzas yod ma yin te// rang sems bsod nams brtan pa yin// ngo mtshar cho 'phrul rmad kyi chos// gzhan nas yod 'ong ma yin te// thabs la brten pa'i shes rab nyid// de
288a3 lta bu yi ngang du 'byung // shes rab dbyings kyi de bzhin nyid// thabs kyi phyag rgyar gyur pa'i phyir// ye shes la ni ye shes rol// ye shes rol pa nyid gang gsog/ rgyal ba mngon byung skyob pa dang // byin brlabs
288a4 ston pa'ang de bzhin te// bya byed nus mthu'i gzi byin gyis// sgyu ma rdo rje btsan po mchog/ cho ga lnga ni rdzogs byas shing // yo byad lnga ni rdzogs par ldan// sngags kyi yan lag lnga rdzogs pas// ma nyams 'jug
288a5 la rab brtson pa// zhag ni sum cu phrag drug gam// bcu gnyis bcu bzhi bcu drug gis// dbang sgyur rigs kyi dam pa 'grub// de tshe bcu drug tshun chad kyis// sku lnga lhun gyis rdzogs pa ni// ye shes thig le de
288a6 nyid la// ye shes thig le nyid snang ba// bsam gyis mi khyab mtha' yas mchog/ phyogs bcu dus bzhi mngon rdzogs pa'i// zhing khams rnam dag bsam yas dang // rgya dang bral ba'i gzhal yas khang // 'khor
iiif viewer powered by OpenSeadragon
Texts on this page
Gpb013.006 - gsang ba'i snying po de kho na nyid nges pa