| e-texts navigator |
| བོད་ཡིག |
267b1 byed pa// 'dod khams lha dang mi ru skye ba'i rgyu// tshad med bzhi spyod mi g.yo sgom byed pa// tshangs gnas lha sogs skye ba'i rgyu yin no// chos kyi dbyings kyis kun la khyab gyur kyang // rang rig rtogs pa'i skal
267b2 dang mi ldan na// ji ltar dmus long mdun du mdog bstan bzhin// 'di ni skal med rigs chad sa yin no// chos kyi dbyings kyis kun la khyab pa yis// bla med theg pa bsam yas gsungs pa yang // so so
267b3 rang rig blo la snang bar zad// ngan song 'gro drug sna tshogs rgyu ba yang // 'khrul pa'i blo log rtog pa nyid snang ste// de bzhin nyid kyi dbyings la 'gyur ba med// mi dmigs rang rig goms byas bla na med pa'i
267b4 mchog/ log rtog bdag dang bdag gir 'dzin gyur na// dngos med mi sdug sna tshogs snang bar 'gyur// yang dag shes pa'i rang rig blo med na// bde gshegs zhing yang ngan song gnas su mthong // theg
267b5 mchog mnyam pa'i don nyid rtogs pa ni// ngan song gnas nyid 'og min dga' ldan gnas// nam mkha'i dbyings ni de nyid bsam yas par// nyi zla gza' skar mtshan ma glog 'gyu dang // 'ja' tshon sprin mang
267b6 sna tshogs 'khrugs gyur kyang // nam mkha'i dbyings la gyur cing nyams pa med// mi dmigs chos kyi dbyings ni bsam yas par// sku gsung yon tan phrin las rmad 'byung dang // 'jig rten gtso mchog ma
iiif viewer powered by OpenSeadragon
Texts on this page
Gpb013.006 - gsang ba'i snying po de kho na nyid nges pa