| e-texts navigator |
| བོད་ཡིག |
25a1 shes mtshan ma'i yul las 'das// bde ba chen po thog mtha' med// bde ba chen po'i rang bzhin ni// ma skyes bden gnyis dbyer med pa'i// ngo bor ma lus kun gsal ba// mi 'gyur brtan
25a2 par brjod pa yin// skal dman thabs kyi bde spyod na// steng 'og thabs kyis gnas byas la// shes rab 'phrul gyi 'khor lo bskor// rgyas dang 'byongs pa'i rtags byung na// rgyu ba bcad la 'khor lo
25a3 spang // bde chen bar chad med 'dod na// thabs kyi rim bzhin bsgom pa dang // shes rab yum gyi de bzhin te// yang na gnyis su med pas bya// rang rang thabs dang ldan par brtsam// bar chad dag ni 'byung
25a4 ba na// thabs dang ldan pas bskyed par bya// lus la brten pas sems gang ste// phyi nang bde chen rgyas par bya// de nas nam mkha'i mtha' thug par// khyad par bar chad med par gnas// goms pa'i rim
25a5 dang byin rlabs las// mkha' 'gro gsum gyi snang thob nas// zhing khams phyogs bcu rdul snyed bcas// bde chen zag pa med par gnas// dang po byin rlabs smad thob nas// rdo rje 'dzin pa mtha' thug
25a6 pa// tshes nas bcu drug mthar phyin ltar// man ngag stobs kyis shes par bya// lung dang rigs pa la sogs pa'i// yid dpyod tshad ma ring spangs nas// nyams myong tshad ma la brten pas// rim spangs tshe 'di
iiif viewer powered by OpenSeadragon
Texts on this page
Gpb013.001 - sgyu 'phrul rgya mtsho zhes bya ba'i rgyud