| e-texts navigator |
| བོད་ཡིག |
131b1 rgya gar skad du/ shrI gu h+ya gar+b+ha ta ta bi nish+tsa ya/ bod skad du/ dpal gsang ba'i snying po de kho na nyid rnam par nges pa/ bcom ldan dpal kun tu bzang po la phyag 'tshal lo// 'di skad bshad pa'i dus
131b2 na// de bzhin gshegs pa yang dag par rdzogs pa'i sangs rgyas bcom ldan 'das longs spyod chen po phyogs bcu dus bzhi'i de bzhin gshegs pa thams cad kyi sku dang gsung dang / thugs rdo rje'i bdag nyid//
131b3 ma lus mi lus lus pa med pa thams cad dang so so ma yin tha mi dad dbyer med pa'i rang bzhin te/ 'og min gyi gnas mtha' dang dbus med pa na gzhi tshad med pa'i ye shes kyi 'khor lo gsal ba la ye shes
131b4 rin po che 'bar ba'i gzhal yas khang / rgya phyogs bcur yongs su ma chad pa/ yon tan dpag tu med par rgyas pa'i phyir gru bzhir gyur pa/ lhag pa'i ye shes rin po che'i glo 'bur gyis mdzad pa/ rtse mo phyogs
131b5 bcu dus bzhi'i sangs rgyas kyi dkyil 'khor ma lus pa thams cad dang / so so ma yin ngo bo nyid gcig pa'i ye shes kun tu 'khyil ba/ ye shes bsam gyis mi khyab pa'i ye shes rin po che'i dbyibs dang kha dog
131b6 la sogs pa rnam pa tha dad pa'i bye brag dang khyad par du gyur pa/ sbags pa/ tshad dpag tu med pa/ ye shes rin po che sna tshogs pa'i phreng ba dang / chun 'phyang dang / shar bu'i rgyan dang / gzugs sna tshogs dang /
iiif viewer powered by OpenSeadragon
Texts on this page
Gpb013.004 - dpal gsang ba'i snying po de kho na nyid rnam par nges pa