| e-texts navigator |
| བོད་ཡིག |
125b1 rdzogs// nyams 'gyur nyes pa brjod mi lang // tshe zung bsam pa log pa dang // mya ngan sdug bsngal chen po dang // dmyal ba nyid ni rdo rje byed// dgu rdzogs bcur ldan gsum gyis sbyangs// bskang ba la sogs
125b2 mtha' yas mchog/ ces gsungs pas de bzhin gshegs pa nyid de bzhin gshegs pa nyid kyis 'dul bar 'gyur ro// sgyu 'phrul dra ba bla ma chen po las 'jigs byed chen po gsung gi dkyil 'khor dang dam
125b3 tshig rdo rje'i le'u ste bcu pa'o// // de nas bcom ldan 'das dgyes pa chen po ye shes rgyal po de nyid chos thams cad man ngag bla ma chen po'i snying po byang chub kyi sems bde ba chen po'i ngang du snyigs ma
125b4 med par byung btab pa'i phyir sku gsung thugs bla ma chen po'i thig le chen po'i dkyil 'khor nas man ngag bla ma chen po'i snying po 'di phyung ngo // byang chub sems kyi bde chen la// rgyu rkyen rten dang len bcas
125b5 pa'i// skyon med thig le chen po las// ma rtogs pa dang log par rtogs// phyogs rtogs yang dag nyid ma rtogs// 'dul ba dgongs pa gsang ba dang // rang bzhin gsang ba'i don rnams ni// yi ge tshig la
125b6 rab brten te// khong nas gab sbas don 'byin pa// ston pa rdo rje'i thugs la gnas// dkyil 'khor ldan pa'i dkyil 'khor gyis// dkyil 'khor la ni dkyil 'khor bsgom// dkyil 'khor dkyil 'khor las
iiif viewer powered by OpenSeadragon
Texts on this page
Gpb013.003 - gsang ba'i snying po de kho na nyid nges pa'i bla ma chen po