| e-texts navigator |
| བོད་ཡིག |
355b1 dbyings// rang bzhin gcig tu rdzogs pa la// rnam par bkod pas ci zhig 'grub// bya ba med las bya ba'i tshul// bden pa gnyis su dbyer med pa// 'di dag sangs rgyas theg pa'i mchog/ lha mi stobs ldan
355b2 la sogs pa'i// sgyur bcas lam las rnam grol bas// 'bras bu rig pa 'dzin pa'i mchog/ chos rnams kun gyi rgyu nyid de// de dag 'bras bu bzang po'i tshul// snying po'i don kun rdzogs pas na// ma lus
355b3 kun 'dus gtan la 'bebs// ji snyed theg pa bsam yas pa// de dag gsang ba'i snying po bzhi// don kun ngo bo rnam dag pa'i// de nyid nges par rmad du byung // de ltar bstan pa sna tshogs pas// ma lus chos
355b4 rnams yang dag rdzogs// rang bzhin ye shes dkyil 'khor gnas// sngon 'byung sprul pa'i tshul gyis ni// dus rnams kun tu 'gyur med cing // yang dag mthar thug gnas rdzogs par// dkyil 'khor bstan
355b5 pa'i ngo bo nyid// ces gsungs so// rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i rgyud las// rang bzhin gyi dkyil 'khor bstan pa'i le'u ste bzhi pa'o// // de nas
355b6 ting 'dzin chen po yis// dgongs pa'i don kun mnyam bzhag pas// chos rnams ji ltar gnas pa yi// ting 'dzin ye shes rten rdzogs mdzad// de tshe 'khor gyi gtso bo dag/ rab tu gus pas gsol 'debs
iiif viewer powered by OpenSeadragon
Texts on this page
Gpb012.016 - rdo rje sems dpa' sgyu 'phrul drwa ba las / gsang ba'i snying po de kho na bstan pa rol pa chen po'i rgyud