| e-texts navigator |
| བོད་ཡིག |
351b1 gsung gi gnas bzhi yi// dbye ba gsum gsum ngos gnyis dang // bzhi bcu gnyis su gyur pa yin// sa ya bcu gsum la sogs pa'i// skye 'gag gnas pa'i ngo bo yang // rten can ji bzhin rten de bzhin// nyi
351b2 zla thabs dang shes rab kyi// ro gnyis mnyam par dus gsum bzhugs// dngas ma thig le chen po yi// bde ba dngos spangs ye shes snang // ma 'dres rang gi don bzhin du// sa gsum dbang phyug mchog tu
351b3 'gyur// 'dzin pa'i nam mkha'i tshogs bral zhing // stong pa'i mtshan ldan byang chub nyid// rab tu zhi bas grol ba yi// bcom ldan 'das ni gud na med// mtshan nyid kun bcom bde chen po'i// rang gi ngo bos
351b4 ma grub na// rang bzhin lhan cig skyes pa'i phyir// bcom ldan de bzhin gshegs zhes bya// gzugs sogs lhag pa'i thig le ni// las dang yon tan mngon ldan phyir// rigs kyi rgyal po nyid du brjod// bcud
351b5 lnga khu ba'i thig le ni// rgyu dang gnas kyi kha dog ldan// ro dang las dang de bzhin te// rang gi mtshan nyid kun tu snang // mkha' sogs nang gi 'byung ba dang // ye shes 'byung lnga'i las dag gis// bskyod phyir
351b6 dbyings su brjod pa yin// btsun mo'i thig le snod bcud khyad par gyis// til gang lta bur mkha' gang ba'i// dkyil 'khor tshogs chen brjod mi langs// ma skyes mi shigs snying po can// dngos med rol mo
iiif viewer powered by OpenSeadragon
Texts on this page
Gpb012.016 - rdo rje sems dpa' sgyu 'phrul drwa ba las / gsang ba'i snying po de kho na bstan pa rol pa chen po'i rgyud