| e-texts navigator |
| བོད་ཡིག |
309a1 cad kun la dbang bskur te// gong na med pa'i sa gnas pas// thams cad kun gyi gtso bo yin// thams cad ma lus gnyis med pas// bsgo dang bsgo bar bya ba min// de bzhin nyid la dbang
309a2 bskur nas// thams cad dbyings su ro gcig go/ chos thams cad kyi dkyil 'khor zhes bya ba'i dam tshig ni/ phyi nang snod bcud bdag rnams la// rang bzhin dkyil 'khor ye nas gnas// chen po'i gzugs
309a3 snang thams cad ni// de bzhin gshegs pa'i dkyil 'khor nyid// sgyu ma'i rtsal rnams 'dzin gyur pa// de bzhin yul gyi dkyil 'khor ro// rang rig byang chub dkyil 'khor te// thams cad kun nas 'khyil par
309a4 gnas// zad med gter chen zhes bya ba'i dam tshig ni/ zag bcas gnod sbyin nor 'dra ba// sems can 'phel 'grib zad 'gyur gyi// de bzhin gshegs pa'i yon tan ni// zag med 'phel 'grib med pa
309a5 yi// mang po spros pas phra mi 'gyur// nyung ngu bsdus pas sbom po min// zad med rin chen gter yin pas// thams cad kun tu khyab pa'o// rnam dag byang chub ces bya ba'i dam tshig ni/ chos rnams ma
309a6 lus thams cad kun// ye nas rnam par dag pa la// rnam rtog rkyen gyis glo bur du// khams gsum 'khor ba'i btson rar gnas// rang rig sgrib med dag pa yin// mya ngan 'das dang 'khor ba gnyis// rang
iiif viewer powered by OpenSeadragon
Texts on this page
Gpb012.015 - gsang ba'i snying po de kho na nyid nges pa'i sgyu 'phrul dra ba bla ma chen po