| e-texts navigator |
| བོད་ཡིག |
295a1 med// rnam par snang mdzad phyag rgya yin// zhe sdang rang dang spyir bstan pa/ kun la mnar sems rtog pa yin// sgyu ma'i dngos po thams cad kun// 'jig par mos pa'i rang bzhin can// spyi yi
295a2 mtshan nyid brjod pa ni// mi rtag sdug bsngal stong bdag med// zhe sdang snying rje spang bsgrub med// chos kyi dbyings su ro gcig phyir// sgyu ma rang bzhin mnar sems pa// dngos po thams cad 'jig rtogs
295a3 na// sgyu mar snang ba thams cad kyang // chos kyi dbyings las mi gzhan te// mi dmigs pa nyid sgyu mar skyes// chos rnams kun gyi rang bzhin ni// bdag srog gso ba'i rang bzhin med// snang ba thams cad
295a4 bdag med chos kyi dbyings// mnar sems sgyu ma chos nyid ro gcig ste// thams cad mi dmigs de bzhin nyid yin pas// kun dang dbyer med chos sku'i phyag rgya yin// mi dmigs sgyu ma kun nas mnar
295a5 sems pa// rtog pa'i yul gyis kun nas mnar sems te// chos nyid sgyu ma mi dmigs dbyer med phyir// don dam kun rdzob ro gcig ste// ting nge 'dzin gyis dbang bsgyur na// thugs kyi phyag rgya chen po
295a6 yin// mi dmigs kun nas mnar sems pa// gdul ba'i bya ba bsam mi khyab// gsung gi phyag rgya chen po'o// zhe sdang spyi yi mtshan nyid ni// yang dag nyid kyis rab brtags na// rnam par byang ba'i mtshan nyid
iiif viewer powered by OpenSeadragon
Texts on this page
Gpb012.015 - gsang ba'i snying po de kho na nyid nges pa'i sgyu 'phrul dra ba bla ma chen po