| e-texts navigator |
| བོད་ཡིག |
255a1 yid bzhin skang bar byed// nyon mongs sdug bsngal sel bar byed// 'dod lnga yon tan ldan par byed// dngos grub chen po bla med pa'o// bdud rtsi char bzhin 'bebs par byed// sgo bzhir phyag
255a2 rgya dag dang ldan// a mr-i ta yi rgyu nyid ni// byang chub sems dang sha chen dang // dri chu dri chen mAM sar bcas// pad+ma rak+ta la sogs dang // gzhan yang 'dod yon sna tshogs rnams// dbye'am yang na mi dbye
255a3 bar// bdud rtsi nyid du byin gyis brlab// rtog pa'i bag chags sbyang ba'i phyir// gtsang sme med par dag par bya// dbyings su yang ni bstim par bya// phyag rgya 'od zer 'bar bar bsgom// bzhi brgya rtsa bzhi'i
255a4 nad sel zhing // dug gsum sdug bsngal med pa dang // bskal pa yun ring gnas pa dang // dngos grub chen po 'thob 'gyur te// tshogs gnyis rdzogs par yang dag gsungs// bdag nyid yi ge hUM gyur
255a5 nas// longs spyod lnga ldan thams cad la// oM AM hUM du gyur par bsgom// 'od 'phro 'bar zhing phyogs bcur spro// slar 'dus 'od 'phro bdud rtsir 'bar// shin tu gsal zhing rtse gcig bsgom// gzhan yang yi
255a6 ge'i tshogs pas gdab// 'thung na ngan song sgrib pa sbyang // tra thA/ rtag bsten dngos grub mchog kyang 'grub// bzhi brgya rtsa bzhi'i nad sel zhing // lha la rtag tu mchod byas na// bdag dang gnyis su med par
iiif viewer powered by OpenSeadragon
Texts on this page
Gpb012.014 - gsang ba'i snying po de kho na nyid nges pa