| e-texts navigator |
| བོད་ཡིག |
198b1 btsun mo'i tshogs thams cad mnyes par khyab par gyur to// de nas de bzhin gshegs pa thams cad btsun mo'i tshogs dang bcas pas ched du brjod pa 'di brjod do// e ma ho ye nas gsang ba'i chos// sna
198b2 tshogs snang la rang bzhin gsang // ngo bo nyid kyis rab tu gsang // gzhan du min las shin tu gsang // zhes brjod pas/ de bzhin gshegs pa thams cad dang / chos thams cad ye nas sangs rgyas pa'i ngo bo
198b3 nyid du gcig pa'i mtshan nyid yin par dbyer med na'ang / 'gro ba'i rnam par rtog pa ma rig pa las/ 'gro ba lnga'i rigs bsam gyis mi khyab par smin pa la/ thugs rje chen po sangs rgyas kyi ye shes chen po
198b4 skyes nas/ ched du brjod pa 'di brjod do// e ma ho bde gshegs snying po las// rang gi rnam rtog las kyis sbrul// sna tshogs lus dang longs spyod dang // gnas dang sdug bsngal la sogs pa// bdag dang
198b5 bdag gis so sor 'dzin// sus kyang ma bcings bcing med de// bcing bar bya ba yod ma yin// rnam rtog bdag tu 'dzin pa yis// nan gyis mkha' la mdud pa 'dor// bcing med rnam par grol med
198b6 pa'i// ye nas lhun rdzogs sangs rgyas chos// bstan phyir spro ba sna tshogs mdzad// ces de bzhin gshegs pa nyid de bzhin gshegs pa nyid la ched du gleng ngo // gsang ba'i snying po de kho na nyid nges pa las//
iiif viewer powered by OpenSeadragon
Texts on this page
Gpb012.014 - gsang ba'i snying po de kho na nyid nges pa