| e-texts navigator |
| བོད་ཡིག |
126b1 // gsang ba'i snying po/ bod skad du/ gsang ba'i snying po de kho na nyid nges pa'o// bcom ldan 'das dpal kun tu bzang po la phyag 'tshal lo// 'di skad bshad pa'i dus na/ de bzhin gshegs pa yang
126b2 dag par rdzogs pa'i sangs rgyas bcom ldan 'das/ longs spyod chen po/ phyogs bcu dus bzhi'i de bzhin gshegs pa thams cad kyi sku dang / gsung dang / thugs rdo rje'i bdag nyid/ ma lus mi lus lus pa
126b3 med pa thams cad dang / so so ma yin tha mi dad dbyer med pa'i rang bzhin te/ 'og min gyi gnas mtha' dang dbus med pa na/ gzhi tshad med pa'i ye shes kyi 'khor lo gsal ba la/ ye shes rin po che 'bar
126b4 ba'i gzhal yas khang / rgya phyogs bcur yongs su ma chad pa/ yon tan dpag tu med par rgyas pa'i phyir gru bzhir gyur pa/ lhag pa'i ye shes rin po che'i glo 'bur gyis mdzes pa/ rtse mo phyogs bcu'i dus bzhi'i
126b5 sangs rgyas kyi dkyil 'khor ma lus pa thams cad/ so so ma yin ngo bo nyid gcig pa'i ye shes kun tu 'khyil pa/ ye shes bsam gyis mi khyab pa'i ye shes rin po che'i dbyibs dang / kha dog la sogs pa rnam
126b6 pa tha dad pa'i bye brag dang khyad par du gyur pas sbags pa/ tshad dpag tu med pa/ ye shes rin po che sna tshogs kyi phreng ba dang / chun 'phyang dang / shar bu'i rgyan dang / gzugs sna tshogs dang / sgra sna tshogs dang /
iiif viewer powered by OpenSeadragon
Texts on this page
Gpb012.011 - gsang ba'i snying po de kho na nyid nges pa