| e-texts navigator |
| བོད་ཡིག |
60b1 don// rgyal ba dpa' bos bshad du gsol// de nas bcom ldan 'das ye shes thams cad kyi bdag po cang mi gsung bar mnyam pa'i ngang la bzhugs so// de nas 'dus pa'i 'khor tshogs rnams kyis byang chub
60b2 kyi sems rdo rje la btud de// de nas sems dpas bka' stsal pa// las kyi khyad par stong pa ste// phyin ci log gis las su brtags// de yang yod pa ma yin te// khyad par ci yang mtshungs pa la// las so zhes
60b3 ni rnam par brtags// kun bzang byang chub mtshungs par gnas// las des ci phyir 'gro mi 'khol// gal te las kyis 'khol 'gyur na// dag pa'i rang bzhin ga la yod// nyon mongs byang chub rang bzhin
60b4 te// las nyid bstan pa ga la yin// ci ste las kyi dbang 'gyur na// rtog pa dang bral zhi ba'i ngang // rang byung ye shes yod ma yin// rgyu nyid skye med rdo rje'i don// mi gnas skye med rang bzhin ni// rgyu nyid rdo rje
60b5 rkyen dang 'dra// ye grub ma yin snying po'i don// ma skyes pas na 'jig pa med// mi skye mi 'gag don gyi ngang // gdod nas snying po byang chub la// 'dus byas rtsol ba bral ba'i phyir// mnyam pa'i chos nyid dam pa
60b6 de// btsal ba'i bsam pas dbyings mi bskyod// ces gsungs so// rgyud kyi rgyal po chen po byang chub kyi sems lung chen po'i mdo las/ sems kyi rang bzhin las kyis mi 'khol ba'i le'u ste bdun pa'o// /
iiif viewer powered by OpenSeadragon
Texts on this page
Gpb011.002 - byang chub sems 'di gsan yig na sems lung chen po dpe ma rnyed gsungs pa de yin nam 'dra lung rnal 'byor chen po'i rgyud theg pa chen po'i mdo