| e-texts navigator |
| བོད་ཡིག |
60a1 sems// byang chub rang bzhin ma rtogs pas// rtog pa phra rags rnam par 'gyus// rtog pa'i rnam pas byang chub bsgribs// bsgribs pas sdug bsngal sna tshogs yin// dper na 'jig rten grib ma
60a2 yis// snang ba gsal ba bsgribs pa ltar// de ltar dam pa zhi ba yang // gzung 'dzin dbang gis bsgribs pa yin// bde sdug 'khor ba rtsed mo 'dra// bde sdug 'khor bar byis pas mthong // 'khor ba rtogs
60a3 pa byang chub ste// kun tu chub pas rnam par rol// bdag med bdag nyid lhun gyis rdzogs// gnyis med dag pas bde gnas pas// de la bskyod pa med bzhin du// nam mkha'i mtha' ltar mnyam par
60a4 gnas// zhi ba chen po'i rang bzhin no// zhes gsungs so// e ma ho nam mkha'i dkyil na zla mdzes ltar// nyi ma'i zer ltar kun la khyab// thugs rje chen po 'gro ba'i mgon// thugs rje'i ngangal skyabs su
60a5 mchi// gsol to// rgyud kyi rgyal po chen po byang chub kyi sems lung chen po'i mdo las/ brjod pa dang bral ba'i le'u ste drug pa'o// // de nas byang chub kyi sems rdo rje la sogs pa/ 'khor tshogs mi pham pa
60a6 la sogs pas/ bcom ldan 'das ye shes thams cad kyi bdag po'i zhal du/ seng+ge'i lta stangs kyis bltas te/ 'di skad ces gsol to// 'khor ba'i las rnams ji lta bu// 'khor ba mya ngan 'das pa'i
iiif viewer powered by OpenSeadragon
Texts on this page
Gpb011.002 - byang chub sems 'di gsan yig na sems lung chen po dpe ma rnyed gsungs pa de yin nam 'dra lung rnal 'byor chen po'i rgyud theg pa chen po'i mdo