| e-texts navigator |
| བོད་ཡིག |
56a1 tshig gis mtshon// rgyal ba'i snying po mnyam nyid de// gsal brjod 'dus pa'i tshogs rnams nyon// nga ni dus gsum rgyal ba'i thugs// ston pa'i don nyid lhun gyis grub// ces gsungs
56a2 so// rgyud kyi rgyal po chen po byang chub kyi sems lung chen po'i mdo las gleng gzhi le'u ste dang po'o// // de nas bcom ldan 'das ye shes thams cad kyi bdag po dpal kun tu bzang po la byang chub sems
56a3 rdo rje la sogs pa/ 'khor tshogs rnams kyis gsol pa/ bcom ldan 'das ma skyes pa'i don ji lta bu lags/ chos nyid kyi don ni gang / chos kyi dbyings ji ltar lags// bcom ldan 'das kyis bka' stsal
56a4 pa// stong pa'i don ni dmigs su med// mtshan ma'i dngos po spros dang bral// nam mkha'i rang bzhin dmigs dang bral// chos nyid rang bzhin spros dang bral// rdo rje sems dpa' nam mkha'i ngang // che ba'i
56a5 dag nyid sangs rgyas dang // kun bzang yangs pa chos dbyings yin// bya bral mi dmigs dbyings la gnas// rnam rtog mi mnga' chos kyi dbyings// rnam dag lam chen kun sgrol phyir// btsal sems med de
56a6 rnam grol lo// zhi ba chen po'i ngang nyid do// mi skye mi 'gag cir mi dgongs// gzung 'dzin yul yang ngang gis stong // mi skye mi 'gag mtha' las grol// byams pas don gnyer rnam sbyang phyir// bdag dang
iiif viewer powered by OpenSeadragon
Texts on this page
Gpb011.002 - byang chub sems 'di gsan yig na sems lung chen po dpe ma rnyed gsungs pa de yin nam 'dra lung rnal 'byor chen po'i rgyud theg pa chen po'i mdo