| e-texts navigator |
| བོད་ཡིག |
37a1 rgyas grub pa'i rgyu dang gzhi// yid bzhin nor bu rin po che// dam tshig rnams ni mi gtang ba// legs pa'i yon tan brjod mi langs// sangs rgyas nyid dang 'dra bas na// dngos grub gzhan lha
37a2 smos ci dgos// de bas nan tan bskyed de bsrung / zhes gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ dam tshig rim par phye ba'i le'u ste bcu
37a3 gnyis pa'o// // de nas rdo rje yid kun tu bzang po la stsogs pa'i 'dus pa'i 'khor tshogs ma lus pa rnams rang rang gi bsam par rangs par gyur te/ gtsug gi 'dud pa'i phyag rnal 'byor gyi tshul du byas
37a4 te/ gsang ba mchog gi bdag po la mdun gyis bltas te/ ngo mtshar rmad du byung ba'i tshig 'di skad ces bsgrags so// e ma'o ngo mtshar rmad du byung ba'i mnyam nyid dbyings mchog nas// thugs rje chen pos
37a5 gsal la ma 'dres kun tu khyab par gdal// sku gsung thugs yon phrin las phyag rgya'i dkyil 'khor brjod mi langs// 'gro ba bsam yas rnam rtog de snyed thugs rje 'phros pa e ma'o ngo mtshar che// e ma ngo
37a6 mtshar rmad du byung ba'i chos// nam mkha' dang ni mnyam pa las// sgyu 'phrul rnam par 'phrul pa rnams// kun rdzob tsam du bstan pa mtshar// zhes ched du gleng ngo // de nas bcom ldan 'das gsang ba mchog gi
iiif viewer powered by OpenSeadragon
Texts on this page
Gpb011.001 - de bzhin gshegs pa thams cad kyi sku dang / gsung dang / thugs kyi gsang ba dur khrod khu byug rol pa'i rgyud ces bya ba theg pa chen po'i mdo