| e-texts navigator |
| བོད་ཡིག |
342a1 ma'o// tha ma rdzas kyi lhag ma la/ dug gsum gyi gtor ma'o// gtor rgyud chen po las/ gtor ma rnam gsum gyi le'u ste zhe gsum pa'o// // de nas bcom ldan 'das dpal rdo rje sems dpas/
342a2 bcom ldan 'das dpal kun tu bzang po la/ 'di skad ces gsol to// kye ma bcom ldan 'das thugs rje chen po dang ldan pa/ thabs mkhas pa'i dbang phyug chen po/ kun la snyoms pa'i 'gro ba'i mgon
342a3 po/ thams cad la dbang bsgyur ba'i mthu rtsal dang ldan pa de la phyag 'tshal lo// zhes bya bas bstod do// de nas bcom ldan 'das kyis bka' stsal pa/ rdo rje sems dpa'/ sangs rgyas thams cad kyang rgyud
342a4 'di yin la/ rgyud 'di yang sangs rgyas thams cad kyi mdzad spyod dam pa'i rang bzhin te/ rgyud 'di ni thams cad la grol zhing smon par ngas bstan pa ste/ thugs ye shes nyid rgyud 'di'i rang bzhin te/ 'di ni
342a5 sangs rgyas 'jig rten du 'byung ba dang 'dra bar dkon pas/ 'di gang du gnas par sangs rgyas thams cad gnas pas/ rnal 'byor pa dam la gnas shing snod yod pa rnams la sems dpa' chen pos lung ston
342a6 cig/ rgyud 'di ni gang zhig 'dzin cing 'chang na yang / de yang sangs rgyas dang 'dra ba yin pas/ de la ni 'khor rnams kyis kyang sangs rgyas dang 'dra bar blta'o// rgyud 'di ni rnal 'byor pa gang zhig gis//
iiif viewer powered by OpenSeadragon
Texts on this page
Gpb011.012 - thugs rje chen po'i gtor ma dang/ sha khrag rus pa'i gtor rgyud chen po