| e-texts navigator |
| བོད་ཡིག |
321a1 sangs rgyas gsung yin pas// blo ldan bu gcig ci yod smros// 'tshams par gyur pa lung las gsungs// gtor rgyud chen po las// lta ba chos nyid kyi le'u ste nyer bdun pa'o// // de nas
321a2 bcom ldan 'das kyis/ rdo rje sems dpa' la sogs pa la/ dbang bskur ba'i don 'di ched du brjod do// rgyu dang 'bras bu la sogs pa// zhal nas gsungs pa thams cad dang // gsang ba gsang chen gang
321a3 mchog rnams// rna dbang yid la nyan par byos// oM d+harma tsakra hAM/ e ma ho/ slob ma blo ldan bus/ rgyal ba rnams kyis gang gsungs pa// bla ma'i tshig las ma nor bar// snod dang ldan pa rnams la ston// oM d+harma
321a4 tsakra phaT/ sngags dang phyag rgya la sogs pa// ma yengs rtse gcig ting 'dzin gyis// grangs tshad rtags rnams mngon gyur par// rnal 'byor gsang bar bsgrub par gyis// oM AHhUM sarba e shud+d+he hUM phaT/ rdo rje rgyal
321a5 po sku gsum 'chang // dbyer med ting 'dzin mi g.yo ba// thams cad kun gyis 'dren pa po// ma lus rnal 'byor 'dren par gyis// oM badz+ra g+ha ru sa ma ti hUM/ de nas las rnams kun rdzogs pas// sngags dang
321a6 phyag rgya la sogs pa// las kyi bye brag mang po dag/ phrin las rnam bzhi gang byos shig/ oM karma sid+d+hi hUM/ zhal nas gsungs pa'i chos kun la// de tshe bdag nyid dang 'dra bas// dang po thob pa'i dbang bskur
iiif viewer powered by OpenSeadragon
Texts on this page
Gpb011.012 - thugs rje chen po'i gtor ma dang/ sha khrag rus pa'i gtor rgyud chen po