| e-texts navigator |
| བོད་ཡིག |
305b1 bar gyur cig ces dam bca' zhing smon lam 'debs so// de lta bu'i byin rlabs kyis 'jig rten gyi khams yongs su khyab cing snang bar 'gyur ro// de nas lha ma yin rnams kyis kyang / go cha dang mtshon cha dang
305b2 sman dang / skye 'khrungs la sogs pa gtor mar phul nas gong ma de bzhin du smon lam 'debs shing dam bca'o// de nas yang gnod sbyin rnams kyis kyang / rin po che rnam pa sna tshogs pa dang / 'bru'i chang dang
305b3 btsos pa'i chang dang / sbyar ba'i chang la sogs pa chang rnam pa sna tshogs pa dang / gos dang rgyan rnam pa sna tshogs pa gtor ma'i rgyan du phul nas/ gong ma bzhin du dam bca' zhing smon lam 'debs so// de nas
305b4 yang srin po rnams kyis kyang / sha dang khrag dang rkang dang / tshil bu la sogs pa gtor mar phul zhing dam bcas shing smon lam 'debs so// de nas yang klu rnams kyis kyang / snying po rnam pa sna tshogs pa dang /
305b5 zho dang 'o ma dang mar dang thud la sogs pa gtor ma'i rgyan du phul nas dam bca' zhing smon lam 'debs so// de nas yang dri za rnams kyis kyang / spos dang dri rnam pa sna tshogs pa gtor ma'i rkyen du phul nas
305b6 dam bca' zhing smon lam 'debs so// de nas yang gshin rje rnams kyis kyang / 'bru mar dang thod khrag la sogs pa rnams/ gtor ma'i rkyen du phul nas dam bca' zhing smon lam 'debs so// de bzhin du
iiif viewer powered by OpenSeadragon
Texts on this page
Gpb011.012 - thugs rje chen po'i gtor ma dang/ sha khrag rus pa'i gtor rgyud chen po