| e-texts navigator |
| བོད་ཡིག |
279a1 par bshams nas/ de'i nang du lnga dang mi'i longs spyod sna tshogs pa 'byor pa che chung gis stsal te/ gong ma bzhin rtogs par byas nas/ sngags dang phyag rgyas byin gyis brlabs nas gtor mar
279a2 phul bas/ lus ngo bor sa thob pa sha stag kyang gnas so// phal pa kha cig ni de ltar mi spyod par gsang sngags tshig tsam la khungs phyung nas gzhan byed pa'i lad mo tsam la bltas nas gtor ma btang ste/ nges
279a3 pa med pas tshe chad nas/ phyogs ris gnyis su bcad cing dam tshig las 'gal te mi srun to// des kyang don chos nyid dang mthun par mi 'gyur ro// de ltar rdo rje sems dpar sangs rgyas na yang / tshig gis
279a4 sangs rgyas las don gyi sangs rgyas su ma gyur na/ rdo rje sems dpa' de yang shin tu 'gyod pa drag po skyes nas kha bub tu 'gyel to// de nas bcom ldan 'das kun tu bzang pos/ rdo rje sems dpa' brgyal ba
279a5 bslang ba'i phyir/ 'di skad ces bka' stsal to// sems dpa' chen po lus mtshan dang dpe byad du ldan nas/ 'chi ba med pa'i sku thob pa dang / 'byor pa'i longs spyod thams cad gtor mar phul nas/ lha'i
279a6 longs spyod dang 'bral ba med par ldan pa ni/ sangs rgyas zhes mi bya'o// sangs rgyas zhes bya ba ni/ nyon mongs pa dug gsum la 'dod chags khrag gi rgya mtsho la zad pa med pa rgya mtsho tsam zhig yod do// zhe sdang
iiif viewer powered by OpenSeadragon
Texts on this page
Gpb011.012 - thugs rje chen po'i gtor ma dang/ sha khrag rus pa'i gtor rgyud chen po