| e-texts navigator |
| བོད་ཡིག |
277a1 dpas gang zag phyin ci log thugs rjes gzung ba'i phyir/ gtor ma byin gyis brlabs pa'i sngags dang phyag rgya'i ting nge 'dzin la snyoms par zhugs so// zhugs ma zag tu gtor gzhong byin gyis
277a2 brlabs pa'i sngags dang phyag rgya 'di gsungs so// lag pa thal mo sbyar la snod la gtugs la/ oM rat+na bi shud+d+he kha ta li bi b+h+rUM zhes brjod pas/ phyi ltar gtor gzhong rin po che sna tshogs las grub pa'i gzhal
277a3 yas khang / rgya khyon dpag tu med par dmigs la/ nang ltar chos nyid kyi dbyings mtha' dang dbus med pa'i pho brang du lhun gyis grub par dmigs la/ gsang ba ltar yum gyi mkha' klong rnam par dag pa'i b+ha
277a4 g.yangs pa'i pho brang du dmigs la gtor gzhong byin gyis brlabs so// de nas yang gtor ma'i rdzas la bshos rnam pa sna tshogs par byin gyis rlabs pa'i sngags dang phyag rgya 'di gsungs so// lag pa thal mo
277a5 de nyid las mdzub mo yid tsam bkug la/ oM ke'u shi shud+d+ho yaM raM swA hA/ zhes brjod pas/ phyi ltar lha'i zhal zas ro mchog brgya dang ldan pa lhun nam mkha'i gtos su dmigs la/ nang ltar 'dod pa'i yon tan
277a6 longs spyod lngar dmigs la/ gsang ba ltar gnyis su med pa'i lha la lha thim par dmigs la zhal zas byin gyis brlabs so// de nas yang gtor ma'i rdzas 'bru dang me tog rnam pa sna tshogs pa byin gyis
iiif viewer powered by OpenSeadragon
Texts on this page
Gpb011.012 - thugs rje chen po'i gtor ma dang/ sha khrag rus pa'i gtor rgyud chen po